NAMAZ E NABWI ﷺ

NAMAZ E NABWI ﷺ (Roman )

NAMAZ E NABWI  ﷺ

Aaiye aaj hum NAMAZ E NABWI ﷺ  Se mutalliq padhen, Jane aur Amal Karen .
Allah ke Nabi  Sallallaahu Alaihi Wa Sallam ne faramaya: namaz Deen ka Satoon hai, islam aur kufr ke beech, musalmanon aur munkiron ke beech farq karne wala amal namaz hi hai, aur Qayamat ke din, ibadat mein bande se sabase pahle uske namaz ka hisaab hoga, agar theek rahi to kaamayaab, agar kharaab nikli to naakaam aur na muraad. (sunan al-tirmidhi: 413)

Rasoolullah Sallahu Alayhi Wa Sallam ne farmaaya;

“Tum Namaz aise padho jaise tum ne mujhe Namaz padhte dekha.”

[Saheeh Bukhari # 361]

Qayam Aur takbeer e tahrima

NAMAZ E NABWI  ﷺ

Rasoolullah sallahu alayhi wasallam jab Namaz ke liye khade hote to Qibla ki taraf rukh karte aur apne haathon ko kandhon ya kaano ke barabar uthate. Apni hatheliyo ko Qibla ki Jaanib karte aur ‘Allah u Akbar’ kehte the.

[Saheeh Muslim. 390-391]

 Phir Daayein Haath se baayein haath ko pakadte.

[Sunan Nasai. 888]

 Aur Dono Haatho ko seene par baandh lete. 

[Sunan Abu Dawud. 759, Ibn Khuzaymah. 243]

Read this: Namaz ki ahmiyat

Sana, taooz, tasmiyah Aur Qiraat 

NAMAZ E NABWI  ﷺ

Uske baad Aap  ﷺ yeh dua parhte they.

 ‘Subhaanaka Allahumma wa bihamdika wa tabaarakaasmuka…………………….’ ya Allahumma baaid baini.......

[Sunan Abu Dawud: 775-776]

 Phir Aap ‘Auzubillahi min ash shaitaan ir rajeem’

[Sunan Abu Dawud: 764]

 Aur Bismillaahi ir-Rahman ir-Raheem parhte the.

 [Saheeh Muslim: 399]

 Phir Aap Surah Faatiha parhte the.

 [Saheeh Muslim: 498]

  Jab Surah Faatiha Khatam karte to ‘Aameen’ kehte.

  [Sunan Nasai : 880]

  Surah Faatiha ke baad Aap kabhi lambi kabhi chhoti to kabhi darmiyani Soorah parhte.

  [Sunan Nasai: 983]

  Fajr Ki Namazon mein dusri Namazo ki nisbat lambi qirat karte.

  [Saheeh Bukhaari: 771]

  Aap Fajr Ki Namaz mein aur Maghrib Aur Ishaa Ki Namaz ki pehli do raka’aton mein buland awaaz se qirat karte the. Baaqi mein Aahista [yani be-awaaz] qirat karte the.

Fajr ki Daleel: Saheeh Bukhari: 773.

Maghrib ki Daleel: Saheeh Bukhaari: 763-764.

Ishaa ki Daleel: Saheeh Bukhaari: 766-767]

 Aapka ye ma’amool tha ke har Namaz mein pehli Rakaat dusri rakat se lambi hoti.

[Saheeh Bukhari: 758-759]

Telegram Group Join Now

Rafa Al yadain aur Rukoo 

 

Rukoo aur Rafa Al yadain 

Phir Aap usi tarha Rafa alyadein karte jis tarha Namaz ke shuru karte waqt karte the aur ‘Allah u Akbar’ kehte hue Haalat e Rukoo mein chale jate.

[Saheeh Bukhari: 736-737]

 Apne haathon ki ungliyan khol kar ghuton ke upar yun rakhte jaisa ke unhein mazbooti se thaamey hue ho.

[Saheeh Bukhari: 828]

 Apni kamar ko hamwaar rakhtey aur sar ko kamar ke barabar is tarha rakhte ke wo na unchaa hota aur na jhuka hua hota.

[Saheeh Muslim: 498]

 Aur Subhaana Rabbiyal Azeem kehte.

[Sunan Abu Dawud: 871]

 Phir Sami allaahu liman hamidah kehte hue

[Saheeh Bukhari: 795]

 Rukoo Se apna sarr uthaatey aur Rafa alyadein karte the.

[Saheeh Bukhari: 736]

 Jab Aap seedhe khade ho jaate to’ Rabbanaa wa lakal-hamd’ kehte

[Saheeh Bukhari, Kitab ul Azan, Hadees No. 796].

Sajdah

Sajdah sunnat tareeqa 

Read this: Namaz padhne ki fazeelat

۞ Phir Allah u Akbar kehte aur sajdey par chaley jaate. 

[Saheeh Bukhari: 789]

۞ Iss mauqey par Aap Rafa alyadein na karte the.

[Saheeh Bukhari: 735]

 Aap peshaani, naak, dono haathon, dono ghutno aur duno qadmon ki ungliyo par sajdah karte the.

[Saheeh Bukhari: 812]

 Apne Haathon aur Paaon ki ungliyo ko Qiblah ki jaanib rakhte.

[Saheeh Bukhari: 828]

 Haalat e Sajdah mein Itidaal aur itminaan ka khaas khayal rakhte. Peshaani aur naak achi tarha zameen par tikaate.

[Sunan Abu Dawud: 858]

 Hatheliyon par bojh daalte aur kehniyo ko zameen se uthaa kar rakhte. [Saheeh Muslim: 494]

 Apne Baazoo badan se alag rakhte.

[Saheeh Bukhari: 390]

 Pet ko Raanon se aur pindhiliyo se unchaa rakhte.

[Saheeh Muslim: 496]

 Haalat e Sajdah mein Subhaana Rabbiyal Alaa kehte.

[Sunan Abu Dawud: 871]

 Phir Allaah u Akbar kehte hue apna sar mubarak uthate.

 [Saheeh bukhari:789]

 Bayein paon ko bichha kar uss pe baith jatey aur dayein paon ko khada kar rakhte aur hathon ko raano par rakh lete.

 [Sunan Abu Dawud: 957]

  Aur yeh dua parhte, ‘Allaahmma agh-firli warhamni wa ’ajburni wa ’ahdini wa ‘arzuqni’

[Jama Trimizi: 284]

  Phir Aap Allaah u Akbar keh kar sajdey mein chaley jaatey.

[Saheeh Bukhaari: 803].

 Aur usi tarha karte jis tarha pehle sajdey mein kiya tha. Phir Allah u Akbar keh kar Sar Mubarak uthate. [Saheeh Bukhari: 803]

 Phir Aap dono haathon ko zameen par lagaa kar unke sahare khade hote.

[Saheeh Bukhari: 824].

 Jab Aap achi tarha khade ho jaate to Qirat shuru karte aur phir dusri rakat usi tarha parhte jis tarha pehle rakaat parhte the.

Tashahudd awwal

 

Tashahudd Awwal 

  Phir Tash’hudd awwal ke liye yun baith’te jis tarha do Sajdo ke darmiyaan baith’te the. Daayan haath daayein raan par aur baayaan haath baayein raan par rakhte. Daayein haath ke angoothey ko darmiyaan waali ungli ke saath milaa kar halqa (circle) ki shaql banaa letey the. Aur shahaadat ki ungli se ishaara karte the.

[Sunan Abu Dawud: 957]

  Aur uss par nazar rakhtey.

[Sunan Abu Dawud: 990]

 Phir yeh kalmaat parhtey, “Attahiyyaatu lillaahi wassalawaatu………….”

[Saheeh Bukhari, Kitab ul Azaan, Hadees No. 831,

Saheeh Muslim: 402]

 Aap darmiyaane tash’hud ke liye thori der baith’tey

  Phir aap takbeer kehte hue khadey ho jatey.

[Saheeh Bukhaari: 803].

 Is mauqey par aap Rafa alyadein bhi karte the.

[Saheeh Bukhari: 739]

  Aur teesri aur chauthi rakaat ada karte. Yeh Rakatein pehli do rakaato se mukhtasar hoti thi. Kyunki aap inn mein sirf Surah Fatiha parha karte the.

[Saheeh Bukhari: 776]

Saheeh Muslim: 451]

Aakhri tashahood 

Tashahudd Aakhir

Read this: Namaz Kya hai

 Phir aakhri tash’hud mein iss tarha baith’te ke baayein paaon ko bichhaa kar daayein paaon ki pindli ke neeche se kadam baahar nikaal letey, daayein paaon ko khada kar letey aur zameen par baith jaatey.

[Saheeh Bukhari: 828]

  Phir aakhri Tash’hud parhtey. Uss mein tash’hud ke ilaawa durood sheriff parhte. “Allaahumma salli alaa Muhamadin wa alaa aali Muhammadin……………….”

[Saheeh Muslim: 406]

  Phir aap aakhir mein Jahannum, azaab e qabr, zindagi aur maut ke fitno aur dajjaal ke fitney se Allaah Ta’ala ki panaah talab karte aur wo duaayein karte jo Kitab o Sunnat mein maujud aur mehfooz hai. Darj e zil Dua apko bahut pasand thi, balke aap ne isey parhne ka hukm diya.

 “Allaahumma innee auzu bika min azaabil qabri, wa min azaabi jahannama, wa min fitnatil-mahyaa wal-mamamaati, wa min sharri fitnail-maseehid dajjaal.”

[Saheeh Muslim: 588]

Salam pherna /Namaz ka khatma

Salam pherna 

Read this: Saheeh Namaz e nabvi Hindi part:1

Phir aap daayein jaanib aur baayein jaanib ‘Assalamu alaykum wa rehmatullaahi’ keh kar salaam pherte the.

[Saheeh Muslim: 582]

 Kalmaat salaam ki ibtidaa Qibla ki taraf moonh kar ke karte aur aakhri kalmaa adaa karne tak chehra mukammal daayein ya baayein taraf pher letey the.

 Jab Aap salaam pher letey to teen martaba ‘Astaghfirullah’ kehte aur phir yeh kalmaat kehte; ‘Allaahumma antas-salaamu wa minkas-salaamu, tabarakta yaa Zal-Jalaali wal-ikraam’.

[Saheeh Muslim: 592]

۞ Phir Aap wo duaayein padhte jo kutub e ahadees me mehfooz aur maujud hai.

 👍🏽      ✍🏻             📩      📤        🔔

          Like comment save share subscribe 

Conclusion:

NAMAZ E NABWI ﷺ se mutalliq Shaykh Saalih Fawzaan ibn al-Fawzaan hafizullah farmatey hai;

‘Aye Musalman! Kitab o Sunnat ki roshni mein Namaz ka yeh mukhtasar sa bayaan hai. Aap ko chaahiye ke apni Namaz mein in cheezo ka khoob ihtimaam karey taa ke aapki namaz hatta al-imkaan Rasoolullah sallahu alayhi wasallam ki Namaz ke mutaabiq ho.

🔹Allaah ka irshad hai: Yaqeenen tumharey liye Rasool mein umdah namoona hai, har uss shakhsh ke liye jo Allah Ta’ala ki aur Qayamat ke din ki tawaqqo rakhta hai aur ba-kasrat Allah ko yaad karte hai.

[Qur’an, Surah, Ahzab, Ayat No. 21].

Allah Ta’ala se dua hai ke wo humein achey amaal ki taufeeq de, aur NAMAZ E NABWI ﷺ  Yani  suunat tareeqe se namaz padhne ki taufeeq ata farmaye> Aameen Ya Rab

*•┈━━━━•❄︎•❄︎•━━━━┈•*

Forward this to others and be a part of Sawab-E-Jariya In'Sha'Allah.

FAQs:

Que:अल्लाह तआ़ला को कौन सा अ़मल ज़्यादा पसंद है? 

Ans: वक्त पर नमाज़ अदा करना अल्लाह सुबहा़न व तआ़ला को ज़्यादा पसंद है !

Que : नमाज़ किन पर फ़र्ज़ है ?

Ans: हर अक़ल वाले व बालिग़ मुसलमान व औ़रत पर पाँच नमाजें फ़र्ज़ हैं! जिस के बिना क़यामत के दिन कोई भी नेकी क़बूल नहीं की जायेगी!

Que. अगर नमाज़ सुन्नत के मुताबिक़ न हो?

Ans: अगर नमाज़ सुन्नत के मुताबिक़ न हो ये कबूल न होगी भले ही हम उम्र भर नमाज़ में गुजार दें!

Que . क्या कयामत के रोज़ सबसे पहले नमाज़ का हिसाब होगा ? 

Ans: हां ! क़यामत के दिन सबसे पहले नमाज़ का हिसाब होगा क्योंकि ये नबी करीम सल्लल्लाहु अलैहि व सल्लम का फ़रमान है !

Que . क्या नमाज़ में सकून से हर अरकान पूरा करना जरूरी है ?

Ans: हां ! नमाज़ अगर सकून से न पढ़ी जाए तो ये कबूल नहीं होगी !और हर अर्कान क़याम, रुकूअ़ और सज्दह को सकून से अदा करना है !

Que : नमाज़ क्या है ?

Ans:इस्लाम धर्म में कलमा ए शहादत के बाद इस्लाम का सबसे पहला रुकन नमाज़ है,अल्लाह के नबी सल्लल्लाहु अलैहि व सल्लम ने फ़रमाया: नमाज़ धर्म का स्तंभ है, इस्लाम और कुफ़्र के बीच, मुसलमानों और मुनकिरों के बीच अंतर करने वाला अ़मल नमाज़ ही है, 

Que : बे नमाज़ी का अंजाम क्या है ?

Ans:अगर आदमी नमाज़ी बन कर मारा तो कामयाबी ही कामयाबी है, वरना उसका ठिकाना जहन्नम है और मौत के बाद तबाही ही तबाही है !